шіре

I

… Қақ дегеніңіз қандай еді онда. Шартақтың астына ш і р е с і сорғалап тұрушы еді (Т.Нұрмағамбетов, Ата қоныс, 126). Тек бір ай өткеннен кейін ғана ара ш і р е мен тозаң іздеу үшін алыс жақтарға қанат қағады (Жәндіктер, 82).

II

ет. Керу, кернеу. Биыл Сыр суы да ағыл-тегіл сары лай толқып, кенересін ш і р е п, жарға ұрып жатыр (З.Шүкіров, Қиын түйін, 70). Қарқындары ш і р е п, бойлары ауырлай бастаған кезде олар Сарысудың қалың шиінің ішіне келіп кіреді (Қаз. әдеб., 06. 09. 1973, 4).

III

зат. көне. Тұтқынның, құлдың шашын алып, тақырлаған басына қапталатын ірі қараның жас терісі. Ол үшін алдымен тұтқынның шашын тақырлап алып, жас сойылған түйенің мойнағын не сиырдың терісін басына қаптайды. Мұны ш і р е деп атаған (Ш.Айтматов, Құз басындағы., 122).